Sigala, Indura 18, lidan sengü hati, 2017.- Uguñe, weyu 18 lidan sengü hati woustera 16 irümu lumagie tichigunei Unesco iñeñei, abinahani labu ullanu garífuna keisi Obra Maestra del Patrimonio Oral e Intangible de la Humanidad. Lurüdu lé leillahaña lakouniguruniwa hanichigu garinagu.
Gamalumoun 16 irümu larigien, gibeti katei. Magundatiwa loulé warihibei. Saminatiwa lafeidiralan garífuna. Ñinti liabi saminaü, lafeidirafuna iñeñei garífuna? Gawarati, Gibeti katei lun lakutihounuwa. Nihagua wadagümanu lun ladugunua.
Irümu le asugurubei weiditumutiwa Unesco luagu san lan irümu lumagié guento sisirügarunegé iñeñei lida sun ubou. Iñeñei to biri weiritimaboun tugullarugumoun awiwandan. Idalubati garífuna?
Lidan tisamina Unesco lafeidiruba garífuna. Itaga kei tariñagunei 99 irümu lun lafeidiru garífuna.
Furumieti: lagani iñeñei garífuna mama amu girigia wawei wagíameme garinagü. Bandi garífuna mahatiña hallanuha garífuna, ñahein ruti busiganu houn. Ñahein hanufetiña. Ñahein mahatiña garífuna hama, lou sun wurí hama, gaguchü, gaguchi garífuna.
Orali lun lagidarun ibidieneigaulé hawei ha lidabaña. Naburühabali uganu le tida wañeñe lun loufudunei houn sungubei lun wallusurunei garífuna le ñulumuti wachülura, hagibugie furumieguarügü kei outi lafuecha.
Ou maburüdeitina garífuna, gamalumoun ouchaguatina. Ñahein sasamu lidanlé, gamalumoun mama ba luagu lira maburühabadibula garifuna. Burünumuti kei outi lafuecha nun, ligillaba oufudei uma woun sungualuagu.
Igundani houn sun ha ageindagubani lkesi garífuna.
Leave a Reply